Era verdadèra vergonha des gascons ei que a ores d’ara encara non auem sabut consensuar ua bandèra que represente ath nòste territòri. Ena actualitat i a un corròp de drapeths "oficiaus", mès cap a era unanimitat, e acrò ei un fracàs collectiu des gascons, ac cau arreconeisher e adoptar ua posición constructiva damb generositat e volontat de voler arribar a acòrds.
Es actuaus drapeths "oficiaus" de Gasconha, an un origen Francés o franchimand, e coma Gascons Liures auriem de renunciar a d’aguesti simbèus, es simbèus autrejats per l’enemic, aqueth que nos vò eliminar.
Actuaument, agrade o non agrade, eth simbèu que represente ara Nación Occitana ei era Crotz, tà jo era crotz d’òc, era crotz dera nòsta lengua e cultura, damb es disparières modalitats de lengua, damb era lengua Gascona que a ua hòrta personalitat diferenta ara resta, per aqueth subtrat bascoïde.
Independenments deth origen istoric d’aqueth simbèu, fòrça incert e discutible, i a istorians que placen er origen dera crotz ena Provença, en Venasque.
Mos represente deras Valadas Occitanas enquia Baiona, de Lemòtges enquia Aran....e per acrò pensi que aguest simbèus ei irrenociable...... encara que Gasconha a era sua pròpia personalitat e manque qu’es Gascons demostren "Unitat".
Ua Gasconha anti-occitana ei ua aberración, e un fracàs sense camin.
Es simbèus son plan importants tà mantièr ua nación junhida, es enemics nòstes ac saben, e nosati non poden actuar coma propis enemics de nosati madeishi......qu’ac repetisqui, cau hè un exercici de Generositat tà arribar a acòrds, se non èm perdudi...
Era mia proposta non se base en causes o hets istorics que arrés sap a sciencia cèrta, es confosions son nombroses, arrés a era arrason, tot son especulacions...., era mia proposta de drapèth Gascon ei era realitat naturau de Gasconha, que per un costat limite damb era Mar Grana, er Atlàntic, e per aute damb era Garona, que an milions d’ans més que quisevolh hèt istoric de hè mila ans. Per acrò pensi que eth blu i a d’éster present d’un costat er aute, damb unión.
Eth hons que è escuelhut tath drapèth ei eth verd, que represente aquera verdor constant ath long der an, enes Pirèneus, enes Lanes, en Medòc.......mercés as precipitacions der Atlàntic, que mos a marcat eth nòste carácter e territòri. E ath miei era crotz d’òc (de Tolosa non m’agrade, pr’amor que non ei deth tot demostrat que siguen es prumèrs en utilizar-ac).
Aguesta ei era mia aportación positiva ara Unitat Gascona, Gasconha ac a de besonh.