Las halas hartaderas / les buffets à volonté Drin que va, tròp que harta !

- Tederic Merger

Lo concèpte

Dens ua hala, sovent ua hala metalica en sortida/entrada de vila, un prètz fixat entà minjar dinc a hartèra de tot çò de presentat suus taulèrs...

Sovent que son "chinés".

Aiman se hartar, los chinés ? qu’èi après qu’en China, e’s disen "as minjat ?" entà’s saludar...
Tanben, los restaurants chinés qu’existeishen de bèth temps a, e l’evolucion en halas hartadèras que manifesta sustot, pensi, ua capacitat de gahar las navèras tendéncias.
 Quan son chinés, que s’i pòt minjar chinés : los plats ja popularis coma lo ris cantonés...
 Quan ne son pas chinés, que s’i pòt minjar mondiau, francés de còps... gascon ? nat exemple a citar...

Acò que marcha !

I a hèra de monde qui se vòu hartar, dinc a n’estar malaud, de còps ! déser d’abondància, liberacion de la pòur ancestrau de mancar ?
En Gasconha tanben, com alhors, qu’am coneishut aqueras hèstas on hasèvan hartèra (maridatges...).

Los clients criticaires, de la disponibilitat, de la qualitat...

 de còps, n’es pas la hartèra esperada : taulèrs presque vueits, o vueits de çò de mei desirat ; assegurar la hartèra n’es pas tant aisit qu’acò, de la part deus restaurators hartaires !
 o la qualitat n’es pas bona ; mès coma créser a ua bona qualitat quan la quantitat es supausada infinida, au medish prètz qu’un repeish "racionat" ?

Que i a tanben clients qui exagèran !

Qu’arribèt qu’un galafre (golufre, galutrau, golut, hartanèr, galipaut...) e’s hascosse arrestar per un servidor de la hala hartadera, pr’amor que totun e’n prenguèva tròp ! hartanèr = glouton

E la santat ?

A l’òra on lo diabète e l’obesitat e vasen un problemàs, aqueras halas hartaderas que pareishen aberrantas !
Las autoritats sanitaris qu’an dejà interdit lo servici a volontat de las bevudas sucradas...

E la sobrietat ?

A l’òra on ns’apercébem que va càlher pagar mei los paisans, end’us acompanhar dens la transicion ecologica, l’idea de minjar shens limitas, shens pagar tant qu’acò, e shens espiar l’origina deus produits, que vai desconectada.

Pessac - N’am pro
Nous en avons assez (nous avons ce qu’il nous faut).
Tederic M.

Doncas, ne mesclem pas tròp la Gasconha a tot acò !
Mès benlèu que caleré totun trobar lo juste mieilòc énter acò e las quantitats petitòtas deus restaurants bobòs ?

Voir en ligne : Las halas hartaderas, per Atòs, Portòs e ReGasPros sus Ràdio País

Un gran de sau ?

(connexion facultative)

  • [Se connecter]
  • Pour créer des paragraphes, laissez simplement des lignes vides.

Ajouter un document

Dans la même rubrique :


 

Sommaire Noms & Lòcs