L’arquitectura deus castèths gascons n’es pas especificament gascona, rai !
Ne som pas rencurós : los castèths qui demoran n’èran pas, en generau, lòcs de manteniment de la Gasconha, de resisténcia gascona : los nòbles, puish los borgés qui los guardén, los tornén bastir, o qui ne heson deus navèths, qu’an meilèu cercat a seguir la mòda francesa, lo prestigi de París (dens l’arquitectura) e qu’an deishat la cultura autoctòna (la tradicion gascona) aus vailets...
Totun, que hèn part deu noste eretatge !
E la nosta simpatia que va aus qui sajan de los sauvar, com aus qui sajan de sauvar las gleisòtas de campanha, las capèras, e los molins...
Quauques exemples :
Projèctes publics mancats :
– Castèthmòra (Castelmore...) a Lupiac, lòc de naishença e de joenessa de d’Artagnan :
Un riche crompaire, Yves Claude, PDG d’Auchan Retail, qu’a "panat" l’ahar a las colectivitats locaus, qui volèvan har deu castèth "le pivot d’un projet de développement territorial, économique et touristique, centré autour du héros".
Totun, lo riche crompaire que ditz que vòu tornar au castèth "ses lettres de noblesse pour que le public le retrouve à sa juste valeur".
(Jo que tròbi que d’Artanhan n’a pas servit la Gasconha, mès Lois 14...)
– Parièr au Castèth de Lauzun, en Guièna :
Un riche distilator irlandés qu’a emportat l’ahar, quan las colectivitats locaus montavan un projècte patrimoniau (mobilizacion de la populacion, damb ua soscripcion...).
Jo : i a talament de castèths... ne seré pas miélher de deishar har los investissors privats, quan n’i a, e de se concentrar suus castèhs shens riche crompaire... coma lo castèth "deus Bogdanoff" (legir mei lonh) ?
Un projècte privat en manca d’eretèrs :
– lo castèth d’Esclinhac a Monfòrt, en Fezensaguet, deu costat de la Lomanha.
Los hrairs Bogdanoff, qui avèn viscut per aquiu, qu’avèn crompat lo castèth.
Pròva d’amor entau país... d’alhors qu’avèvan muishat ua auta pròva d’amor : disèvan parlar gascon, entervistats pr’amor d’acò per Radio País...
Mès ne s’i son pas escasuts, a relhevar lo castèth, e adara, que son morts...
« Deux ans après leur décès, le château des frères Bogdanoff dans le Gers est à l’abandon. Poutres, toiture et murs s’effondrent. Le président de la sauvegarde du patrimoine gascon lance un appel à l’aide. »
France3 - Le château des frères Bogdanoff abandonné et en ruines
Ua escasuda privada : lo castèth de Caumala, a Escalans, a costat de Gabarret :
Crompat peus espós Fabre i a un quinzenat d’annadas, qui se son escasuts a tirar lo castèth de l’arroina, en saber mobilizar honts de conselhs e d’ajudas, per exemple l’associacion "La Demeure historique", o la DRAC...
L’accent qu’estot botat sus l’epòca on lo castèth apartengot au plantaire coloniau Delisle, damb tanben quauquas alusions a la guèrra d’indepedéncia americana : Rochambeau qu’auré visitat lo castèth de Caumala... çò qui amièt lo consul deus Estats units de Bordèu a i participar a ua jornada deu patrimòni...
Lo noste amic Jacques de Cauna qu’a tanben la soas entradas au Castèth de Caumala, e que i a fixat lo sièti de la Federacion de las Academias de Gasconha.
E que s’i pòt maridar !
Lo sit deuLe Château de Caumale que’ns apren que :
« Pour la troisième année consécutive, le Château de Caumale a reçu le prix des Wedding Awards décerné par le site de Mariages.net »
Hèra de castèths que’s lògan entà nòcas, atau ; pas lonh de Caumala, lo de Podanàs (Poudenas) tanben, per exemple.
Horra-borra (pêle-mêle) :
– Bautiran (Beautiran, au sud de Bordeaux) - la "Villa Maglya" :
« Hébergé dans la Villa Maglya, un de ces petits chefs d’œuvre architecturaux du XVIIIe, maisons dites nobles, comme il y a en a tant dans le Bordelais le musée dispose également d’une galerie où sont exposées les œuvres d’artistes peintres, sculpteurs et souffleurs de verre…
A l’origine de cette mise en valeur, une femme, Marie-Françoise Micouleau, qui s’est plongée dans l’histoire de son village. Elle a réuni une importante collection de toiles anciennes que le public peut aujourd’hui découvrir.
Et ce n’est pas tout car le Musée des Techniques propose aussi de voyager dans l’épopée méconnue de l’aluminium…Ce n’est pas un hasard, Marie-Françoise Micouleau a fondé, avec son mari l’entreprise Dal’Alu, numéro un européen de la gouttière en aluminium. »
Que i a tanben cors d’occitan a la Villa Maglya...
– Castèths de Vilandraut (Villandraut) e Budòs (Budos), restaurats, explicats e animats per l’Associacion Adichats.
Lo castèth de Vilandraut qu’es la proprietat de Norbert Fradin, un riche mecènas [1].
– Château Maurin (Puch d’Agenais) [2]
