(Sévignacq)
Loubée
Ací, a Lobea, que caló aténder longtemps entà aver l’electricitat. En purmèr, que i avó ua linha sus
« La Potja ». Nosautes, qu’avom la lutz quan avèvi sèt o ueit ans (1928) mes entà los estrems, que
longuegè. Que’m brembi pelèras en çò de vesins, a la lampa-petròli. Au començament que la se
calè pagar la linha, puish que finín per l’installar pertot mes que n’i a que n’avèn pas l’electricitat
per’mor que refusavan de pagar lo brancament.

Peiron que paguè la linha dinc a lor. Colom, eth, qu’avè decidit de har la soa pròpia electricitat dab
ua turbina suu Lasset, com ac avèva vist har en çò deus sons cosins de Gant. Qu’avèva tota
l’installacion, los piquets e tot, mes que credi qu’aquò ne marchè pas jamei.

Que n’i a que refusavan l’electricitat per’mor la rumor que disè qu’atirava lo pericle.

Tèxte : l’Andrèu de Lanavèra
Arrevirada : la Nadina & l’Enric Lacòstas