Escota lo borit deu vin doç qui devisa :
L’arrasim tot daurat, un còp estat rostit,
Dens las cledas ’stranglat, sarrat esclapotit,
En tot passar peu trulh, a deishat sa camisa.

E adara lo most que canta e pòt arrisa [1] ;
D’ua savor de vrenhas lo chai es enholit
Un parfum tot mostós, un chicòt esmalit
Vos hèr barrar los uelhs e ahishar la hisa.

Mès on es uèi l’arríder ? Adeshatz los nautets [2] :
Machinas de tot bòrd s’escapan de l’establa ;
lo brut e los patacs s’estiran a pauquets ;

E la vinha purgada dens un gran dòl s’estala.
Mes dens la cuva ardenta on lo vin doç boreish,
Ua navèra via en cantant que broheish...

Lo Ramonet deu pè de la vit (Raimon Lajús)

Erreur d’exécution squelettes/modeles/paraula.html