« La Fabrique » qu’ei lo nom d’un talhèr de fabricacion d’estatua de Lorda.
La produccion que comencè de cap a 1902 : estatuas religiosas (la Verge e tots los Sents…) de la mes petitas a las mes bèras venudas aus pelegrins o directament a las glèisas. Totas las estatuas que son de casa-hèitas e a la man. Qu’òm pòt encòra visitar la botica mes sustot un petit musèu a on son expausadas totas las estatuas (un monument « quitchissime »… !)
Entre las duas guèrras, lo talhèr que fabriquè la seria «  Caddetou » : estatuas petitas deus personatges famus d’Ernest Gabard. Que s’en tròba encòra sus fòrças mantèths de chemineas per la Bigòrra…

A nosta (véjer l’imatge) qu’ei « Caddetou » e la sua de qui escotan la TSF (Radio Pyrénées ») dab escriut en devath « O höu ! Escouto Toulouso ! ». Lo gascon qu’èra la lenga de « la fabrique »…
Malurosament, desempuish 2024, la fabricacion de totas las estatuas qu’ei arrestada.. !
Entà tot conèisher sus « La Fabrique » : https://www.communicat.fr/lafabrique/
E se passatz per Lorda, visitatz lo musèu e la botica.