Saint Cyprien / Sant Çubran : Tolosa costat Gasconha !
E tanben un vielh quartièr obrèr, on arribavan per exemple monde de las Pireneas gasconas (Comenge, Coseran) entà cercar ua vita mei aisida...
Toulouse
Henri Soum, un natiu de Sant Çubran
Que vasot a Sant Çubran d’un pair originari de Sent Gironç, e d’ua mair vasuda a Sant Çubran d’un pair de Sant Çubran e d’ua mair de Sent-Gironç tanben ; doncas tres quarts de Coseran ençò deus grans parents !
Henri Soum que’s moriscot n’i a pas guaire, en 2022 à l’atge de 96 ans.
Qu’a escrit ua seguida de « 5 tomes sur la vie et les évènements de la région Toulousaine pour la période 1930 - 1950 »
http://henri.soum.free.fr/
Lo prumèr, la Basane, que parla de Sant Çubran dinc a 1939, e tanben un chic de Pujòs, en montanha comengesa, on passava vacanças ençò de la familha.
Garona
Henri Soum que viscot la soa joenessa dens un ancian molin a costat deu Pont Saint Michel, au Fer à cheval.
Garona (ditz bien "Garona" shens article, e revendica aquera faiçon de díser...) qu’èra au centre de la vita deu quartièr : batèus-lavaders, "bains flottants", pescaires (de peishs : "les pescofis", mès tanben de sable e d’arrebòts [1] !), jòcs deus mainatges a Garona (que manquèt de s’i negar !).
Adara, lo long de Garona, i a barras d’immòble de las annadas 1960 o 70... Pas mei de molin (dejà en ruina deu temps de Soum).
Vita obrèra, dura, e sovent corta...
Abracada per la miséria... tuberculòsi, malaudias professionaus (las vapors de plom a l’estamparia...), seguidas de l’emposoament peus gas a la guèrra de 14...
Las condicions materiaus deus obrèrs, en un sègle, que’s son totun amelhoradas !
On seré la miséria obrèra a l’òra d’ara ? deu costat deus imigrants shens papèr, venguts per exemple d’Africa, liuraires, obrèrs deu bastiment ?
E dens quin quartièr de Tolosa son los obrèrs a l’òra d’ara ? a Empalòt ? au Miralh ?
(Toulouse)
Empalot
Pishar, cagar, petar...
Aqueth monde n’èra pas puritan, sustot los òmis, eslhevats a la dura... Libertat, franquesa deu còs, de còps en des·hís au borgés...
Lo lengadocian tolosan enqüera viu dens las annadas 1920 :
Qu’es dens la boca e dens l’esprit deus personatges deu libe, au mensh ençò deus madurs.
L’autor qu’us presta un parlar tolosan, mema aus originaris de Sent Gironç :
– p. 31 :
« « Que vòl dire aquò ? Passa l’òsca ! » pensa le Jacques [lo gran pair d’Henri Soum, tipografe letrat e dret] dans sa tête de vieux toulousain. »
(il pense donc en tolosan mais s’adresse au patron dans un français parfait)
– p. 96 :
Le pauvre Aribòt en fut tout "estabosit" (...) il cria "nom d’un gos [2] , que contas ?"
– p. 97 :
Maria (la soa gran mair, de Sent Gironç !) dit à sa Jeannette : « paureta, te calià un òme que que costa, tanben as trapat un polit aparat : èra trop degordit per esser onèst »
E l’autor eth medish qu’utiliza mots occitans : "mon Kikou" (quicon - nhacat per un gos quan pishèva, e que’n avot gran paur !).
Totun, quina lenga parlava la mair de l’autor, vasuda a Sant Çubran entà 1895 ? e quina lenga transmetot au son hilh ? lo francés probablament : epòca de cambiament de lenga...
Los montanhòus : barbares !
Quan Henri Soum va de vacanças a Pujòs, énter Comenge e Coseran, que tròba aquò :
(Estadens)
Pujos
p. 158
« Les cours sales où s’entassait le fumier devant les portes, les gens vêtus de hardes, parlant un dialecte barbare que je ne comprenais pas et que je pris pour de l’Espagnol »
Totun, p. 162 :
« La ville était un pôle de curiosité pour ces autochtones qui y soupçonnaient un modernisme dont ils étaient tenus à l’écart ; ils nous enviaient comme si nous étions des nantis parce que citadins alors que pour ce qui me concernait mon lot ne valait pas plus que leur, si ce n’est moins. »
On son adara los eretèrs d’aqueth Sant Çubran ?
Esparrisclats dens los lotiments autorn de Tolosa, emplegats per Airbus ?
