Adixat amics,
Qu'auri daubues arrespounses a ha a ço qui s'ey escriut sou forum per aquestës tours, mes nou'm vague pas pou moumen.

Que'm vau dounc acountenta de ha coum David Mugica en lou soûn messadgë de dimengë 2 de Nouvemë : arcoelhë dab gay la frase de Domergue Sumien :
"Maintenant, sur le plan de la politique actuelle, je crois que nous devrions tirer les leçons de notre histoire tragique : notre intérêt est d'aller dans le sens de l'unité et de la solidarité entre les régions d'oc (sans centralisme) afin d'être plus forts face à une France qui nous écrase et qui nous nie."

Se souy vadut ûn oucctianiste critic, qu'ey permou de m'esta apercebut de la mire dou mouvimen, arriba a l'unificacioûn lingüistique capvath lou Mieydie sancé. E se souy demourat a l'I.E.O.-Paris coum militan actiu, qu'ey permou d'avé lejude la frase de P. Bèc en ûn raport ouficiau aprouvat per l'amassade generau de l'I.E.O. de 1972, que lou gascoûn ère ue lengue vesîe, mes especifique, au mens autan coum lou catalân, e que demourave en dehore dou proujèt d'establiment d'ue lengue de referénci.
Mes hères d'ouccitanistes qu'at an oublidat e quauquës ûns dous mey influens coum P. Sauzet qu'an mantienude e prouclamade la finalitat ultime de la nourmalisacioûn lingüistique. E la nourmalisacioûn ourtougrafique n'ey pas que la purmère estape dou proucèssus (védë lou mên messadge loung de l'autë die, dab lous mêns "argumens").
Alavetz, enta'ns uni, que cau que touts abandoùnen toute intervencioûn en lous ahas d'ugn' aute regioûn lingüistique. Praticamens :

Ha un prouclam coumûn de la "polynoumie" de la(s) lengue(s) d'o, e arrenouncia a toute ingerénci en la lengue dous autes parçâns e en la fayçoûn de la nouma e de l'escribë.

Que'm sufesque de rapera quin lous ouccitanistes Gascoûns proutestèn countre la "precounisacioûn" de l'assouciacioûn dite "Conselh de la lenga occitana" de suprimi las "h" dous noums pròpis estranjès, dinc a avia ue peticioûn qui hou signade pou quite P. Bèc. Ou encoère l'article de R. Lafont qui denegave a l'I.E.O. tout poudé ta moudifica las règles de grafie (Amiras n° 7 de 1984, p. 104). E juridiquemens, n'i a pas arré de cambiat.

Se touts lous emparayrës de la(s) lengues d'o s'aviénën enta sinna un tau "prouclam de nou-agressioûn" e dexa lou jacoubinismë aus jacoubîns parisencs, pensi que sera aysit de ha froun coumûn.

Que'n pensat ?
Plân couraumens,
J.L.