Crey-me, Gascoun, n’ajos bergoùigno de nosto lengoûo de Gascoùigno,
ni de l’augi, ni d’en parla coumo à Laytouro. é à Sent-Cla.
Goué qu’es la soulo legitimo, qu’es la flou, la pérlo, é la primo. Que parlo lou gascoun courau , lou gascoun blous é naturau en un mujoulet de sét léguos, e sas besios soun de péguos, que se nén un salmigoundin d’Estaragues ou de Moundin, deou Riberenc, ou deou Gabachou, deou Lanusquet, ou d’aquet machou, lengoûo pedassat de hilluc, que maherejo cado truc. Auch, auch l’ûo coumo quequejo, auch l’auto coumo bedoussejo, auch-los toutos dab taus accens, que t’hén arregaigna las dens.