Entervista dab Federico Krutwig

- Tederic Merger

| 7

Video en castelhan d’ua emission de la TV basca ETB2, sus un sit consacrat a Krutwig, qui, dens los sons libes "Vasconia", prepausèt l’idea d’ua Grana Vasconia, dab la Gasconha deguens.
Mès los sons libes que carrejan hèra d’autas ideas, hèra personaus...
Hètz-ve la vòsta opinion !
[]

Voir en ligne : Entervista dab Federico Krutwig

Grans de sau

  • Aquera entervista no parla pas hòrt deu son prètz-hèit vasconista mès susquetot de çò qui èra a har a la fin de la soa vita.
    Que parla hòrt vista e que cau vertaderament plan escotar entà compréner tot.
    Qu’es clar aqueth òmi qu’èra un umanista vertadèr, cultivat mès totun un chic especiau.
    Que’m brembi lo comentari d’un occitanista tolosan suu Krütwig.
    Aqueth que disè Krütwig qu’èra un "nazi basco". Praube c...

    Réponse de Gasconha.com :
    Malurosament, lo sit krutwig.org ne sembla pas balhar de texte qui nse balheré ua idea mei precisa deu(s) messatge(s) de Krutwig.

  • Çò qu’ei lejut de Krutwig ne m’a pas convençut.
    Au contrari, quan n’avèvi pas d’eth prejutjats maishants, qu’i trobèi tròp d’afirmacions (dont ideas de superioritat de quauquas etnias sus d’autas) shens fondament, pas pro d’umilitat.
    Va de còps suu terren de la ciencia, shens n’aver la metòda. Jo qu’ei sentit aquò.

    S’escotatz e comprenetz un chic de çò que ditz dens l’entervista d’ETB2, i trobaratz un exemple d’afirmacion de "café deu comerci" : los italians son "cultos" (si me rapèri plan), mucho màs que los españoles (vascos incluidos, s’ei plan comprés).
    Desencusatz-me de mesclar castelhan e gascon !-)
    Sus la Vasconia, que presentèt ideas "delirantas", coma de tornar instalar en Gasconha vascos d’America... N’ac ei pas inventat, cresi... mès n’ei pas la referéncia a portada de man (e soi piri que lo Krutwig ?)... cresi qu’ei dens un passatge deu son libe "La Nueva Vasconia".

  • Vertat aqueth òmi qu’èra un chic estranh e a bèths còps contradictòri e provocator.

  • Adiu,

    Qu’èi lejut VASCONIA, LA NUEVA VASCONIA e LA VASCONIE ET L’EUROPE NOUVELLE mès n’èi pas trobat aqueth passatge, o ne me’u brembi pas mei.
    Krütwig que "peguejèva" un chic a bèths còps e los sons pleiteis que pòdenn tabé ahurbir lo dond lei aquò.
    Totun, qu’avè ua vision cöerenta, utopica bilhèu, de Vasconia, quitament la soa pensada s’es a bèths còps de mau seguir.
    Provocator e iconoclasta que sonn los adjectius dond m’arríbann en cap.
    Tederic, s’ac vòles, que’t poix prestar los líbers qui mentavi.

  • Cau diser tanben lo coratge de Krutwig qui s’opausèt au franquisme, e causigot l’exili meilèu que la somission, quan, en viéner d’ua familha richa, auré avut ua vita confortabla en carar las soas conviccions.

  • Adixatz,

    Se vatz sus YOU TUBE e que trúcatz Federico Krutwig, que poderatz véder ua arrecuperacion neo-nazi deu concèpte de Vasconia e deus tribalhs de Krutwig.
    Qu’es har de dòu.
    Com har entad empaixar aquò se haci ?
    Qui sonn aqueth monde ? Arré no permet pas de’us identificar.
    La tiraranha qu’es vertaderament lo lòc de tots los dangèrs.

  • Que son ANVistas. Que m’an deishat un comentari sus ua de las meas videos Youtube : n’èi pas volut suprimí’u pr’amor qui n’aimi pas la censura, totun que’m gena un drin.

Un gran de sau ?

(connexion facultative)

  • Pour créer des paragraphes, laissez simplement des lignes vides.

Ajouter un document

Dans la même rubrique :


 

Sommaire Noms & Lòcs