[Utilisez au besoin revirada.eu pour traduire les parties de cet article qui sont rédigées en gascon.]
On s’arresta lo País d’Armanhac ?
Un país gascon de limitas trebosas, trebolhas, floishas, esloishas (floues)... trebós, trebolh, floish, esloish = flou
Territòri de produccion d’armanhac ?
Acò totun n’es pas esloish (mema si pòt cambiar per revisions de la carta) !
« La région Armagnac, reconnue AOC pour sa production d’eau de vie depuis 1936, s’étend sur le département du Gers, l’Est des Landes et le Sud du Lot-et-Garonne. Elle se situe dans la province de la Gascogne, dans le Sud-Ouest de la France. »
Mès l’armanhac aigardent - aiga de vita n’es pas monolitic ; que i a tres denominacions geograficas complementaris de l’apelacion armanhac :
– lo baish-armanhac (lo mei reputat entà l’armanhac - lo deu País d’Armanhac vertadèr segon quauques uns),
– l’armanhac-tenaresa,
– lo haut-armanhac : aqueth que conteng totun Aush, Leitora, Marciac... que seré mensh favorable a l’armanhac - tèrra mei calcària - e que’n produsís chic, e deu diferent ...
NOTRE RÉGION • Darroze Armagnacs
L’armagnac, les régions de production (avec une carte qui n’est plus actuelle)
Territòri naturau ?
Wikipedia (arrevirat per revirada.eu) :
« Las regions naturaus o país tradicionaus que son, en França, territòris d’estenuda limitada presentant caractèrs fisics e ua aucupacion umana omogenèas. Aquera nocion relativament fosca que limita la possibilitat de n’establir ua lista precisa. »
Geologicament, çò qui s’apèra "Armanhac blanc" (a l’est : Condomés...) que seré un terrenh argilo-calcari (terrahòrt...) quand lo Baish Armanhac e seré mei terrenh de bobea (argilo-silicios), ua mesclanha énter argela e sable. Aquera diferéncia que balha armanhacs-aigas de vita diferents...
Totun, la distinccion Armanhac negre / Armanhac blanc ne correspond pas a las colors de las tèrras majoritaris dens las duas zònas : la bobea que seré tèrra blanca, e lo tèrrahòrt tèrra negra :
« la "terro negro", c’est la terre forte, "terro hort" ; la "terro blanco" la boulbène »
Mès la realitat geologica que pareish hèra mensh simpla :
– bobea (boulbène) [1], que n’i a un chic pertot...
– e lo terrahòrt n’es pas pertot en Armanhac "blanc" : que seré sustot suus penents orientaus de las arribèras...
Lavetz, la natura deu sòu ne muisha pas nada unitat d’un gran Armanhac, de mei partatjat énter lo bacin de l’Ador e lo bacin de Garona.
Territòri istoric ?
(Lannepax)
Gajan
Mès las cartas qui muishan çò qu’estot aperat "Armanhac" avans la Revolucion francesa que son de contorns redde variables, complicats e indiferents a la geografia : que devèvan vénguer de circonstàncias politicas exterioras a la vita vitanta, economica e umana deus territòris concernits...
« Au XVIIIe siècle, le Comté d’Armagnac comprenait le Haut et Bas-Armagnac, le Comté de Vic-Fezensac, le Fezensaguet, l’Astarac, le Comté de Gaure, l’Eauzan, la Lomagne, le Comté de l’Isle-Jourdain, le Brulhois, la Vicomté de Rivière-Basse, le Comté des 4 Vallées (vallée d’Aure, de Neste, de Barousse et de Magnoac). Aujourd’hui le Comté d’Armagnac est dispersé dans les départements du Gers, des Hautes-Pyrénées, des Landes, de Tarn-et-Garonne, de Lot-et-Garonne et de la Haute-Garonne. »
(Condom)
Quartier de Plieux
E serà realament armanhaquesa, per exemple, Condom, qui’s hè aperar "Condom en Armanhac", e qui’s plaça tanben en "Condomés", o "Tenaresa", etiquetas concurrentas de l’Armanhac ? mès l’apelacion "Condom en Armanhac" que manifesta un prestigi deu nom...
Territòri lingüistic ?
(Jo que consideri d’alhors la realitat linguistica com un produit de l’istòria.)
I a avut lo sentiment d’ua particularitat lingüistica : "lous haouès" (la boca plea de havas), disèvan los lanusquets deus armanhaqués...
Mès ua carta deus isoglòsses deu gascon ne muisha pas de particularitat armanhaquesa.
Territòri culturau ?
"Les hommes ont senti à leur tour cette réalité [géographique] et il est caractéristique par exemple que la course landaise arrête sa zone de pénétration depuis des siècles aux limites Est du Bas Armagnac."
René Laffargue - Pays d’Armagnac
(Gabarret)
Les arènes
La Voix de l’Armagnac (GABARRET 100.7) a l’accent gascon !
Vertat que i a arenas à Gasaupoi / Gazaupouy, au nòrd-est de Condom...
« Les arènes de Gazaupouy sont les plus orientales du département du Gers, avec celles de Seissan au sud-est. » [2]
Lavetz, la corsa landesa, lo sol exemple balhat ací entà illustrar un Armanhac culturau, que muisha sustot la copadura énter lo Baish Armanhac (l’Armanhac vertadèr ?) e lo reste...
Territòri sentimentau ?
Lo libe colectiu "Pays d’Armagnac" dirigit per Paulette Aragon-Launet [3] que muisha l’Armanhac au mensh com un país sentit, sentimentau...
Mès aqueth libe que data de las annadas 70 (dusau edicion en 79), e tot qu’a cambiat 50 ans aprèps... e malaja, n’es pas segur que lo cambiament e sia marcat per un ahortiment de l’Armanhac... Vam véser...
