Degun ne se pausa pas la question de saber se lo français es ua lenga o pas.
Que poirem en parlar deus picards díser que parlan picard, deus sentongés que parlan sentongés, etc.
Qu’es amusent totun de véder que, entà l’occitan, ua lenga de las varietats auvernhata, gascona, lemosina, lengadociana, provençala, vivaro-aupenca, cadun pensa qu’es un especialista e que coneish la responsa.
Non, que i a lingüistas tad aquò e critèris tà definir çò qu’es ua lenga o un parlar, etc. Quan vau tau medecin quan soi malaut, que credi çò que me ditz e segueishi los sons conselhs.
Que seré benlèu temps de quitar d’espepissar a prepaus de parpèlas d’agaça e de trabalhar tà sauvar la nòsta lenga de l’etnocidi comés per la Republica cap a las nòstas lengas istoricas (alsacian, basc, breton, còrs, flamenc, occitan).
Parlar de las lengas gasconas, quina peguessa... Degun n’a pas jamei dit que lo basc n’existiva pas e que i a avèva sèt lengas bascas : lo soletin, etc.
En los Pirenèus atlantics, que i quatres varietats de la lenga basca e quauques autas de l’aute bòrd deu Pirenèus e la lenga basca existeish totun.