Lo gascon hens las comunicacions regionaus Un article inapercebut deu "blog deu Joan"(Joan deu Peiroton)

- Gerard Saint-Gaudens

Que m’a vagat de tornar leger Lo blog deu Joan (loblogdeujoan.blogspot.com) qui m’avevi un chic desbrembat despuix pausa. E qu’i trobi aqueth article de noveme 2017 qui s’auré ameritat d’estar mèi legut e comentat.
Que pausa la question de l’ahoniment deu gascon hens la comunicacion de la "Navera Aquitania "( hens "Occitania " benlèu la question n’es solament pas pausada... ) com a consequéncia de la refòrma regionau de 2013. Que’m permeti de citar l’article "in extenso" aqui devath :
"On ei passat lo gascon a las comunicacions regionaus ?
Ua de las conseqüéncias pervèrsas deu dogme occitanista qui refusa l’estatut de lenga au gascon -a maudespieit deus darrèrs desvolopaments scientifics qui mièn equipas prestigiosas de lingüistas tà considerar lo gascon com quatau grop lingüistic distint de l’oil, de l’occitan e de l’arpitan- qu’ei de har complètament desparéisher lo gascon de las comunicacions regionaus, las de Navèra Aquitània com la d’Occitània. Lo gascon que i ei complètament absent mentre que i son representats l’occitan (lengadocian), lo catalan e lo peitavin-santongés shens oblidar lo basco. Lo gascon ? Fenit, daunas e mèstes !

Aquiu l’Estat francés n’i ei pas per arren. Que son plan los occitanistas los responsables. L’istòria que deu servir de leçon. A l’evidéncia, l’Occitània saunejada peus autonomistas e separatistas n’a pas nada solucion tà dehéner lo gascon. Au contra, que miarén lo gascon tà la tomba shens vergonha, entà balhar mei de pes a l’occitan non-gascon…o, mei simplament, entà estauviar sòus.

Agosse lo gascon un estatut arreconegut de lenga, las causas que’s passarén diferentament, lo gascon que seré tractat dab mei de consideracions, a egalitat dab las autas lengas regionaus. Que seré sonque justícia."

No’s pòt pas exprimir milhor e non cau pas abandonar aquera demanda.

Un gran de sau ?

(connexion facultative)

  • Pour créer des paragraphes, laissez simplement des lignes vides.

Ajouter un document

Dans la même rubrique :


 

Sommaire Noms & Lòcs