Que l’am cantat a Samatan, a l’estagi de polifonia gascona de Bastien Zaoui.
Mès ençò de Youtube, ne son pas nosautes, mès Lucille Chartrain, Lutxi Achiary, Virginie Ardaen, Wilfried ABO. Bravo ad eras·eth !
Des cantères en Gascogne aujourd’hui
Sendèrs de tèrra nera
Prova sus lo camin
Los uèlhs lhevats luenh d’ací
Luseishen las estelas
Las vias alandant
Òmi b’ès petit o gran, petit o gran ?
Tèrra mair verda e blua
qui a tots òmis neureish
Per son bèth còs qu’esloreish
Sasons, aires e aigas
Devarant deus somius
Hè vàder tot çò qui viu, tot çò qui viu
Mès negrejant natura
Òmis desinspirats
Cercatz monedas hens patz
Vida tibada e dura
L’èime tant malurós
Sona vuèit e envejós, e envejós
E pausat sus la tèrra
Jogant tot ataisat
Per l’aire e l’arbo jumpat
L’enfant dret sus la pèira
Consola lo mau vielh
Doman be serà sorelh, serà sorelh
Ondas de la hont vielha
Bailinan lo mainat
Peus moviments avivat
Briuleja aiga fresqueta
Eth l’audishen jogar
Lo cant navèth troberà, be troberà