Cantèra au Marcat gascon de Peirahorada (Peyrehorade) DIMERCS 5 D’AGOST

- Tederic Merger

  • Rendetz-vos e arcuelh café-còca au “marcat dit deus pòrcs”, a costat de la piscina davant l’espaci deu grop gascon locau “Los gascons deu quioi” a comptar de 9h e mieja dinc a 10h un quart.
  • Distribucion de quasernòts de cantas que haràm petar.
  • Passejada deu grop de cantaires capvath lo marcat e, a còps, estanquet e cantèra au miei deu monde en quate o cinc lòcs desparièrs deu marcat baish e haut. (dinc a mieidia)
  • Retorn au punt de rendetz-vos (espaci “Los gascons deu quioi”) de tots los cantaires e amics lors tà l’aperitiu auherit peus elejuts locaus.
  • Repaish amassas a l’entorn d’ua taulada (a l’acès) dab lo picnic que cadun e cadua e’s tiraràn de las biaças.... vin e café auherits peus organisators. Cantas, istuèras, poesias, ... que i seràn planvienudas !
  • Ne’vs desbrombitz pas :
    . lo bonet o berret (accessòri obligatori taus òmis !!!)
    . lo carrat (“foulard”) deu vòsta grop gascon o aute.
    . drapèus e banèras dab las ensenhas o simbèus occitans, gascons e quitament biarnès (que i èm au ras !) de har seguir e de segotir au cors de la passejada.
    . lo picaisho, las cartas, ....
    . las clucas o bajaulas o lunetas entà léger los tèxtes de cantas mei adaise !
    . de que esclari’s la ganurra (aiga o la bota dab ...) pendent la passejada.
    . e sustot, la vòste votz arridenta, clara e plea de vam e d’estrambòrd qui harà tremolar los còrs e las vielhas pèiras deu vilatge !!!

Grans de sau


Un gran de sau ?

(connexion facultative)

  • Pour créer des paragraphes, laissez simplement des lignes vides.

Ajouter un document

Dans la même rubrique :


 

Sommaire Noms & Lòcs