Bearn, Gasconha, Òc !
Pau lo 4 d’abriu de 2009
Perqué manifestaram ?
La lenga qui’s parla ací qu’ei en dangèr.
Aquesta lenga que l’apèran biarnés, gascon o occitan. De tot biais que son tres mots per parlar de la medisha lenga.
Que volem mejans eficaçes e siin hargats per que visca la lenga.
A qui s’adreça aquesta manifestacion ?
Qu’ei hèita per aperar tos los qui viven ací, quau qui sia lor origina, a sostiéner las accions per la lenga.
Que s’adreça aus elegits municipaus, departamentaus, regionaus, aus parlamentaris e que s’adreça tanben a l’ensemble deus actors de la vita economica e sociau.
Lo Conseil Général des Pyrénées-Atlantiques e la Région Aquitaine qu’an entinoat quauques accions.
Ne sufirà pas. Que’n cau mei.
Quauques comunitats de comunas tanben que s’i hican. Pas totas. Qué hèn las autas ? Qué hè l’aglomeracion de Pau ? Qué hè l’Estat ?
Qu’ei çò qu’ei ua politica per la lenga ?
Qu’ei ua seria de mesuras qui an per mira que la lenga e sia mei anar mei parlada, que sia mei anar mei escriuta, mei anar mei utilizada.
Ua politica lingüistica qu’ei hèit per que sia transmetuda la lenga a las joenas generacions.
Que vòu díser aquò :
- Mei d’escòlas per ensenhar dens la lenga ;
- Mei d’emissions de ràdio e de television dens la lenga ;
- Mei de sostien aus qui cantan, jògan, escriven dens la lenga ;
- Mei d’utilizacion de la lenga dens los espacis publics.
Que cau ua volontat politica vertadèra e mejans financèrs.
Que i podetz quauquarren !
Ça-vietz a Pau lo dissabte 4 d’abriu a 14 h
Pl. de la Libération davant lo Palais de Justícia
mail : crida.oc@free.fr